Trinidad Tecson Y Perez
Tinguriang “Ina ng Biyak na Bato”. Ipinanganak sa San Miguel, Bulan nuong Nobyembre 18, 1848. Kilala siya bilang isang walang takot na katipunera. Siya’y lumahok nang buong giting at tapang sa 12 labanan. Siya’y binigyan ng ranggong Brigadier General.

Loreto Lucero
Isang babaing taga Malolo, anak ni Don Antonio Lucero, naging Kapitan Munisipal nuong 1895 at Simeona Estrella. May taglay na tapang at lakas ngloob na ipagsakdalan ang kura Paroko, Padre Santiago Perez sa “sexual harassment”. Nanalo si Loreto dahilan para mipaalis ang pari sa Sta. Isabel at dahilan din upang ang kanyang amangkapitan ay mabilanggo bilang paghihiganti.

Mariciana H. Del Pilar
Ulirang kabiyak ni Gat.Marcelo H. del Pilar. Anak siya ni Don Marcos H. del Pilar, isang mayamang asendero ng Bulacan. Si Sianang o Chanay ay isang tahimik at mahiyaing ina ng pitong supling nila Mareclo: sina Sofia, Jose Maria, Maria Rosario, Maria Consolacion, Jose Mariano Leon, Maria Concepcion at Anita. Sa pagtakas ni Marcelo sa España, siya’y palagi nang minamanmanan, tinatakot, at pinapalibhas ng mga guwardiya sibil at ng kura paroko. Wla naman siyang maituring na palagiang hanap buhay nilang mag-iina ay buhat lamang sa kinikita ng kanilang bakuran, bukid at pala-isdaan na inot-inot naming nakamkam ng walang katarungang dahilan ng mga kalaban ng kaniyang asawa. Ang kanilang bahay ay sinunog pa ng mga tampalasan.

Maria Rodrigo
Si Maria Ang pinaniniwalaang siyang iginuhit na larawan o (La Bulakeña 1895) obra maestro ni Juan Luna. Siya naglingkod sa brigida ni Hen. Gregorio del Pilar sa panahon ng Himagsiakng Pilipino bilang tagapagluto ng pagkain at tagapaghatid ng liham na kasulatan. Ang pagkasawi ng kanyang buhay ay isang hiwaga.

Soledad Airan
Si Bb. Arian ay ipinanganak sa Matungao, Bulacan, Bulacan noong Disyembre 9, 1889. Ang “small but terrible”, ang “namimitbit ng patilya” noong panahon “na grade four lamang ang natapos ay nakapagtututro na”. Sa kanya nahubog ang murang kaisipan ng mga maipagmamalaking anak ng ating bayan simula skina Benigno Ramos, Manuel Palomares, at Jacinto Manahan. Sinundan pa nina Rosendo Tansinsin, Sr. Generoso Tanseco, Francisco Soc Rodrigo, Emilio Mar Antonio, Horacio Lava at hindi mabilang na mga makat at manunulat ng bayan at iba pang naging tanyag sa iba’t ibang laranga ng buhay hanggang sa panahon ni Atty. Sixto Antonio noong 1941. Hindi lamang sa larangan ng edukasyon siya palaging bukambibig ng ating mga kababayan. Isa sa tagapagtatag ng Bulacan Women’s Club Bulacan Womens League at nagging unang tagapayo ng Mu Phi Beta, isang kapisanan ng mga kabataang mayayaman sa bayan. Si Miss Airan ay tumanggap ng mga papuri at karangal bilang lider ng Kababaihan sa mga hakbangin panlipunan, sibika at pang relihiyon sa buong bansa.

Rosa Sevilla de Alvaro
Si Lola Rosa ay isang makbayang mamamahayag, (1879-1954) makata, mandudula, autor ngmga aklat ng wika, guro at edukador. Siya ay tinaguriang “Inang Wika” Sumapi sa katipunana at nagsilbi bilang nurse at tagaluto rin ng pagkain.

Concepcion Felix de Rodriguez
Doña Concha kung siya ay tawagin. Nagtatag ng Philippine Chapter ng American Red Cross, Feminista de Filipinas at Gota de Leche. Naging pangulo ng National Federation of Women’s Club sa Pilipinas. Ang kanyang pinakamarangal na nagawa ay ang mahimok ang pamahalaan na mapagtibay ang isang batas na magbibigay karapatan sa mga kababaihan na bumoto. Siya rin ang pangunahing nagtatag ng Catholic Women’s League.

Pura Santillan –Castrence
Isinilang sa Matungao, Bulacan, Bulacan. Siya ay isang propesora, iskolar, manunulat-kolumnista, kritiko sa panulat, diplomata, ministrong tagapayo sa Bonn, Germany. Naging Ambassdor Extraordianary at Plenipotentiary sa naturang bansa. Bilang pagkilala sa kanyang paglilingkod sa ating pamahalaan, siya ay pinagkalooban ng Tandang Sora Award bilang unang embahador na Filipina.

Carmen de Luna
Isinilang sa Sta. Ana, Bulacan. Siya ang ina ng Centro (Maestrang Mameng) Escolar University, dating Centro Escolar de Señoritas. Isang Medalyang Ginto ang iginawad sa kanya nuong ipagdiwang ang Golden Jubilee of the Philippine Educational System dahil sa kanyang natatanging kontribusyon sa pagtuturo.

Maria Dolores Molina
Ang Maestrang Mestisa (Ina ni Pangulong Manuel L. Quezon). Si Maria Doloeres Molina, isang guro, ay isang marilag na mestisang Espanyol na isinilang sa san Jose, Bulacan. Ang pag-aasawa sa murang gulang pa lamang at ang maagang pagka balo ang nagging daan upang siy’y manirahan sa Baler, Tayabas. Doon niya ipinagpatuloy ang kanyang pagtuturo sa isang paaralang para lamang sa mga babae. Sa Baler siya nakatagpo ng isang mangingibig na isang mestiso rin at isang guro sa paaralang publiko. Si Lucio Quezon na hindi taal na tagaroon; ipinanganak siya sa Penafrancia, Paco, Maynila. Kapwa sila may amang mestiso at iang Filipina. Ang una nilang supling ay si Manuel na itinakdang magin pangulo ng bansa at nakilalang Ama Ng Wikang Pambasa. Si Doña Maria ay binawian ng buhay dahil sa sakit na tuberculosis.